Մեղրածորում է լույսը սաղարթից ,
                       Անտառը խշշուն մեղեդի մարմար,
                        Կապել է օղակ, կապել է կամար
                        Լողակե սփռոց՝ երկինքն ամպակար։

                           Դողում է ստվերը լույսի տարափից,
                         Ստվերահնչյուն է հողը կարկատած,
                         Հողը չոր ու թաց՝ սեղմած նշխարք է,
                         Օդը՝ հաղորդման խնկաբույր վարկած։

                             Լույսը օրհնանք է, երկունք է, տուրք է,
                          Ծնունդով՝ փրկված  ճիչ է  ցնորված,
                          Սրբության լույս է, խորանի գաղտնիք,
                          Սիրո  փնտրուք է, գգվանք է արբած։

                              Մեղրածորում է լույսը սաղարթից,
                           Թռչնահամերգ է, գազանային վալս,
                           Բույրը՝ բերկրանքն է արքայավարդի,
                            Անտառը՝, սիրով օծված նորահարս։

                           Հեղինակ՝ ՀՐԱՉՈՒՀԻ ՂԱԴԻՄՅԱՆ
                           AUTOR: HRACHUHI GHADIMYAN