Այս հարցը սկսնակ ծրագրավորողների կողմից ամենահաճախ հնչող հարցերից է, քանի որ ցանկացած մասնագիտությունում լավ աշխատանքային գործիքը պարտադիր է։ Ծրագրավորումը նույնպես բացառություն չէ։

Քանի որ մենք բոլորս տարբեր ենք, կարևոր է հաշվի առնել մեր ցանկությունները գնում կատարելուց առաջ։ Այս գրառման մեջ կփորձեմ պատասխանել այն հարցին, թե ինչպե՞ս ընտրել laptop, ի՞նչ տեսակներ կան և ինչպե՞ս տարբերակել նրանց։

OS (Operating System)
Սա այն առաջնային հարցերից է, որ սովորաբար առանձնակի ուշադրություն չի գրավում։ Հիմնական ընտրությունը OS-ների միջև լինում է MacOS, Windows թե linux: Ընդհանուր դեպքում ես խորհուրդ կտամ սկսնակներին ընտրել windows։ Չնայած նրան, որ շատ ծրագրավորողներ նախընտրում են MacOS կամ linux, սկսնակները ավելի հեշտ կհարմարվեն windows OS-ի հետ աշխատելիս, քանի որ այն ավելի ծանոթ կլինի նրանց իր տարածվացության շնորհիվ։
Linux
Երևի թե ամենաբարդ OS-ներից՝ հարմարվելու տեսանկյունից։ Linux-ում շատ հաճախ պետք է լինում աշխատել terminal-ի հետ, որը կարող է լինել ոչ ինտուիտիվ և բարդ սկսնակների համար։ Terminal-ը շատ դեպքերում օգտագործվում է նույնիսկ ամենահասարակ գործողությունների համար, օրինակ՝ նոր ծրագրեր install անել։ Սակայն, չնայած իր բարդությանը, այս OS-ը ամենաշատ ազատությունն է տալիս user-ներին։

MacOS
Unix shell-ի վրա գրված, երևի թե ամենագեղեցիկ ու հարմարավետ OS-ը։ Սա ավելի հարմար է սկսնակների համար, քան linux-ը և որոշ չափով ապահովում է այն ամենը, ինչ տալիս է linux-ը։ Սակայն այս OS-ը ունի շատ մեծ մինուս՝ այն միայն հասանելի է Apple-ի պռոդուկտների համար, որոնք բավականին թանկ են մյուսների հետ համեմատած։

Windows
Ամենատարածված OS-ը։ Չնայած իր վատ համբավին՝ վերջին տարիներին widnwos-ը դարձել է ավելի “Developer friendly” այն իմաստով, որ բավականին շատ գործիքներ շատ ավելի հեշտ և ինտուիտիվ են դարձել windows-ի համար։ Այս ամենին գումարվում է նաեւ այն, որ սկսնակները կարիք չեն ունենա 0-ից սովորել, թե ինչպես օգտվեն իրենց OS-ից։

Ճիշտ specification-ների (պարամետրերի) ընտրություն
Շատ կարևոր է հասկանալ, թե ի՞նչ պարամետրեր են անհրաժեշտ աշխատանքի համար։ Այս ընտրությունը մեծամասամբ կախված է աշխատանքի տեսակից, և թե ինչ ծրագրեր են օգտագործվելու։ Օրինակ, web ծրագրավորողներին շատ հաճախ պետք է օգտվել Adobe Photoshop ծրագրից, որը շատ ռեսուռսատար ծրագիր է և պահանջում է ամենաքիչը Core i5 պռոցեսոր և 8gb RAM հիշողություն: Ընդհանուր դեպքում ես խորհուրդ կտամ ընտրել այնպիսի laptop-եր, որոնք կունենան Core i5 պռոցեսոր՝ 8-րդ սերունդ կամ բարձր (մոդելի համարը պետք է սկսվի 8 հազարով կամ ավելի բարձր, օրինակ՝ core i5 8300h), 8 gb ram ու 128 gb հիշողություն։ Կարևոր է ուշադիր լինել հիշողության տեսակին։ Պարտադիր ուշադրություն դարձրեք, որ այն լինի SSD, ոչ թե HDD: Արագությունների մեջ տարբերությունը այս երկու տեսակ հիշողությունների միջև ահռելի է։ Ինչ վերաբերվում է Graphics Card-ին, եթե դուք չգիտեք ինչ graphics card է ձեզ հարկավոր, ձեզ հավանաբար այն պետք չէ։ Բացի նրանից որ graphics card-ը կարող է մեծ ազդեցություն ունենալ արժեքի վրա, այն հիմնականում չի օգտագործվում ծրագրավորման մեջ /բացառությամբ խաղային ծրագրավորողների/։
Կարող եք գնել նաեւ ավելի բյուջետային տարբերակ։ Եթե օգտագործվող ծրագրերի ցուցակում միայն editor-ն է, հնարավոր է նաև աշխատել core i3, 4gb ram-ով։ Սակայն հետագայում այսպիսի laptop-երը կարող են դանդաղել ավելի ծանր գործիքներ օգտագործելու պատճառով։
Շատ կարևոր է նաև ուշադրություն դարձնել trackpad-ին և keyboard-ին։ Մի՛ գնեք laptop, մինչև չհամոզվեք, որ այս երկուսը հարմար են ձեզ օգտագործման համար։

Օգտակար նյութեր։
Տարբերությունը intel և ryzen պռոցեսորների միջև՝ https://www.pcworld.com/article/3403018/intel-core-vs-amd-ryzen-which-offers-the-best-bang-for-buck.html

Օրինակներով համեմատություններ laptop-ների միջև՝ https://www.youtube.com/watch?v=rNy1tg1p3xg

Ի՞նչ է RAM-ը https://www.computerhope.com/jargon/r/ram.htm#:~:text=RAM. Alternatively referred to as main memory, primary,DRAM, which is a type of memory module.